SIMBA KUTESTI MITAMBO SIKU YA LEO

-



Johannesburg,Afrika Kusini.

MABINGWA wa kombe la FC,Simba SC leo Jumanne wanatarajiwa kucheza mechi yao ya kwanza ya maandalizi ya msimu mpya kwa kuvaana na mabingwa wa zamani wa Afrika,Orlando Pirates ya Afrika kusini. 

Orlando Pirates ambayo ndio klabu maarufu zaidi nchini humo,imeahidi kushusha silaha zake zote muhimu ili kuwapa maandalizi ya kutosha Simba SC.Mchezo huo unatarajiwa kuchezwa kwenye dimba la Orlando liliopo jijini Johannesburg. 

Mechi nyingine ya mwisho itakayochezwa na Simba SC nchini humo itapigwa siku ya Alhamisi ya wiki hii dhidi ya mabingwa wa soka nchini humo kwa sasa Bidvest Wits wanaochezewa na kiungo wa zamani wa Everton na Sunderland, Steven Piennar.

Wakati huohuo Simba SC wamethibitisha kumsajili mlinda mlango Aishi Manula kutoka Azam FC kwa mkataba wa miaka miwili.

Mlinda mlango huyo anayeichezea pia timu ya taifa ya Tanzania,kesho Jumanne ataungana na wachezaji wenzake walioweka kambi huko Eden Vale Johannesburg, nchini Afrika kusini. 

Maoni

Chapisha Maoni

Machapisho maarufu kutoka blogu hii

MBARAKA YUSUPH BADO HALI TETE

-
Picha
Washambuliaji wa klabu ya Azam fc "Mbaraka Yusuph" na "Shabaan Iddy"bado hawajarejea mazoezini kutokana na majeruhi waliyoyapata wakiwa na timu ya taifa huko nchini Afrika kusini. Kwa mujibu wa taarifa tulizonazo mezani kwetu" vyankende.com" ni kwamba Daktari wa Timu hiyo ameshauri wapewe muda zaidi ili kupata nafuu. Kwa sasa Azam ilikua kwenye mapumziko ya wikendi na inatarajiwa kuendelea na mazoezi leo huku ikiwa na jukumu la kucheza michezo miwili ambapo mmoja ni dhidi ya Ruvu shooting na wa pili ni dhidi ya Mtibwa Sugar
Endelea kusoma

NIYONZIMA AAHIDI ZAWADI KWA KAZIMOTO

-
Picha
Niyonzima aahidi zawadi kwa Kazimoto Nyota mpya wa Simba aliyesajiliwa hivi karibuni baada ya kumaliza mkataba wake na Yanga, Haruna Niyonzima ameahidi kumtafutia zawadi kiungo mkongwe wa klabu hiyo, Mwinyi Kazimoto kutokana na hatua yake ya ‘kumvulia jezi. Kazimoto aliyekuwa akivaa jezi namba 8, ameamua kumuachia kiungo huyo raia wa Rwanda baada ya kuombwa kufanya hivyo kama ishara ya heshima kwake. “Namshukuru sana Mwinyi kwa heshima aliyonipa, na mimi namuahidi kumtafutia zawadi, ni lazima nimzawadie kwa hili alilonifanyia” amesema Haruna Akizungumzia sababu za kuiomba jezi hiyo, Haruna ambaye mara nyingi hucheza kama kiungo namba 8, amesema jezi hiyo ina kumbukumbu kubwa katika maisha yake ya soka, na ndiyo aliyokuwa akiivaa wakati akiwa Yanga Niyonzima ambaye ameanza kuonyesha cheche katika klabu ya Simba kwenye mechi ya kirafiki dhidi ya Rayon Sports iliyopigwa jana kuadhimisha Simba Day, ameahidi kuitumikia Simba kwa nguvu zote katika mechi zote na amesema ataanza na m...
Endelea kusoma