"SIMBA WEEK" KUTINGA TAASISI YA MOYO YA JK

-

Maadhimisho ya siku maalum ya klabu ya Simba maarufu kama ‘Simba Day’ yanaanza siku ay Jumanne Agosti 01, 2017 na yatakwenda wiki nzima hadi Agosti 8 ambaye ndiyo siku ya kilele.

Katika wiki hiyo itakayofahamika kama ‘Simba Week’, uongozi wa klabu hiyo kwa kushirikiana na mashabiki pamoja na wachezaji wanatarajiwa kufanya shughuli mbalimbali za kijamii, ambapo kwa mwaka huu, moja ya shughuli zitakazofanyika ni kuchangia matibabu ya upasuaji wa kwa watoto wenye matatizo ya moyo katika Taasisi ya Moyo ya Jakaya Kikwete iliyopo Muhimbili Jijini dar es Salaam.

Mratibu wa shughuli hiyo Imani Kajula amesema mbali na kuchangia upasuaji huo, pia viongozi na wachezaji watatembelea taasisi hiyo kubwa ya moyo barani Afrika ndani ya ‘Simba Week’

Pia amesema miongoni mwa shughuli nyingine za kijamii itakuwa ni kutoa misaada malimbali kwa watoto yatima katika vituo vitakavyobainishwa hapo baadaye.

Kauli mbiu ya Simba Day mwaka huu ‘Ki-Simba zaidi’, ambapo Kajula amesema sababu ya kaulimbiu hiyo ni kutokana na Simba kujiongeza katika mambo mengi mwaka huu yanayohusu uendeshaji wake.

“Ki-Simba zaidi ni kaulimbiu inayolenga ongezeko la mambo kadha wa kadha ndani ya Simba” Amesema Kajula

Amesema kauli mbiu hiyo inawahusu pia mashabiki wa Simba ambao wanatakiwa kujiongeza zaidi kwa kuongeza mapenzi na klabu yao ikiwemo kuchangia kwa njia mbalimbali kama vile kununua jezi na kwenda uwanjani huku wakitambua kuwa wao ni Simba.

Katika hatua nyingine, Kajula amesema mwaka huu Simba Day itakuwa na mambo mengi zaidi na kwa mara ya kwanza itasherehekewa nchi nzima, ambapo viongozi wa matawi katika mikoa yote nchini wametakiwa kuandaa sherehe hizo katika mikoa yao.

Maoni

Chapisha Maoni

Machapisho maarufu kutoka blogu hii

MBARAKA YUSUPH BADO HALI TETE

-
Picha
Washambuliaji wa klabu ya Azam fc "Mbaraka Yusuph" na "Shabaan Iddy"bado hawajarejea mazoezini kutokana na majeruhi waliyoyapata wakiwa na timu ya taifa huko nchini Afrika kusini. Kwa mujibu wa taarifa tulizonazo mezani kwetu" vyankende.com" ni kwamba Daktari wa Timu hiyo ameshauri wapewe muda zaidi ili kupata nafuu. Kwa sasa Azam ilikua kwenye mapumziko ya wikendi na inatarajiwa kuendelea na mazoezi leo huku ikiwa na jukumu la kucheza michezo miwili ambapo mmoja ni dhidi ya Ruvu shooting na wa pili ni dhidi ya Mtibwa Sugar
Endelea kusoma

NIYONZIMA AAHIDI ZAWADI KWA KAZIMOTO

-
Picha
Niyonzima aahidi zawadi kwa Kazimoto Nyota mpya wa Simba aliyesajiliwa hivi karibuni baada ya kumaliza mkataba wake na Yanga, Haruna Niyonzima ameahidi kumtafutia zawadi kiungo mkongwe wa klabu hiyo, Mwinyi Kazimoto kutokana na hatua yake ya ‘kumvulia jezi. Kazimoto aliyekuwa akivaa jezi namba 8, ameamua kumuachia kiungo huyo raia wa Rwanda baada ya kuombwa kufanya hivyo kama ishara ya heshima kwake. “Namshukuru sana Mwinyi kwa heshima aliyonipa, na mimi namuahidi kumtafutia zawadi, ni lazima nimzawadie kwa hili alilonifanyia” amesema Haruna Akizungumzia sababu za kuiomba jezi hiyo, Haruna ambaye mara nyingi hucheza kama kiungo namba 8, amesema jezi hiyo ina kumbukumbu kubwa katika maisha yake ya soka, na ndiyo aliyokuwa akiivaa wakati akiwa Yanga Niyonzima ambaye ameanza kuonyesha cheche katika klabu ya Simba kwenye mechi ya kirafiki dhidi ya Rayon Sports iliyopigwa jana kuadhimisha Simba Day, ameahidi kuitumikia Simba kwa nguvu zote katika mechi zote na amesema ataanza na m...
Endelea kusoma