KAULI YA KWANZA YA NEYMA JR.

-

Hii leo mshambuliaji mpya wa klabu ya Psg Neymar Dos Santos ametambulishwa rasmi mbele ya waandishi wa habari na huku akipewa jezi namba 10.

Neymar ameongea mengi kuhusu uhamisho wake huu uliovunja rekodi ya dunia “nilihitaji changamoto mpya katika soka na moyo wangu ulikuwa ukiniambia kwamba Psg ni mahala sahihi kwangu”

“Ilikuwa ni muda sahihi kwangu kuondoka Barcelona na kwenda kutafuta changamoto mpya na nimekuja hapa nikiwa tayari na hata kesho naweza kuanza kucheza” alisema Neymar.

“Nina furaha sana kuvaa jezi ya Paris Saint German na kubeba jina la taifa langu pamoja na mimi, niko tayari kucheza popote kocha atakapotaka nicheze mimi nataka kucheza soka tu”

“Paris Saint German ni klabu ambayo inataka kuja kuwa klabu kubwa duniani na mimi nataka kuwa sehemu ya watu ambao wataandika historia na klabu hii, sikuvutiwa na pesa kuja hapa bali mipango ya klabu hii”

Kuhusu Javier Pastore aliyekubali kumpa jezi namba 10, Neymar alisema “Pastore namshukuru sana kwa kunipa namba hii, naheshimu sana upendo wake kwangu”

Wakati Neymar akisema hayo, mmiliki wa klabu hiyo Nasser Al Khelaifi amesema kwa sasa wanataka kushinda Champions League na sasa wanaenda kupambana kikweli kweli kuhakikisha Psg inabeba kombe hilo.

Nasser pia amesisitiza kwamba PSG haikukiuka sheria za Financial Fair Play za FIFA na kusisitiza kwamba UEFA inajua kila kitu kuhusu usajili wa Neymar na hakuna kitu kilichofichwa

Maoni

Chapisha Maoni

Machapisho maarufu kutoka blogu hii

MBARAKA YUSUPH BADO HALI TETE

-
Picha
Washambuliaji wa klabu ya Azam fc "Mbaraka Yusuph" na "Shabaan Iddy"bado hawajarejea mazoezini kutokana na majeruhi waliyoyapata wakiwa na timu ya taifa huko nchini Afrika kusini. Kwa mujibu wa taarifa tulizonazo mezani kwetu" vyankende.com" ni kwamba Daktari wa Timu hiyo ameshauri wapewe muda zaidi ili kupata nafuu. Kwa sasa Azam ilikua kwenye mapumziko ya wikendi na inatarajiwa kuendelea na mazoezi leo huku ikiwa na jukumu la kucheza michezo miwili ambapo mmoja ni dhidi ya Ruvu shooting na wa pili ni dhidi ya Mtibwa Sugar
Endelea kusoma

NIYONZIMA AAHIDI ZAWADI KWA KAZIMOTO

-
Picha
Niyonzima aahidi zawadi kwa Kazimoto Nyota mpya wa Simba aliyesajiliwa hivi karibuni baada ya kumaliza mkataba wake na Yanga, Haruna Niyonzima ameahidi kumtafutia zawadi kiungo mkongwe wa klabu hiyo, Mwinyi Kazimoto kutokana na hatua yake ya ‘kumvulia jezi. Kazimoto aliyekuwa akivaa jezi namba 8, ameamua kumuachia kiungo huyo raia wa Rwanda baada ya kuombwa kufanya hivyo kama ishara ya heshima kwake. “Namshukuru sana Mwinyi kwa heshima aliyonipa, na mimi namuahidi kumtafutia zawadi, ni lazima nimzawadie kwa hili alilonifanyia” amesema Haruna Akizungumzia sababu za kuiomba jezi hiyo, Haruna ambaye mara nyingi hucheza kama kiungo namba 8, amesema jezi hiyo ina kumbukumbu kubwa katika maisha yake ya soka, na ndiyo aliyokuwa akiivaa wakati akiwa Yanga Niyonzima ambaye ameanza kuonyesha cheche katika klabu ya Simba kwenye mechi ya kirafiki dhidi ya Rayon Sports iliyopigwa jana kuadhimisha Simba Day, ameahidi kuitumikia Simba kwa nguvu zote katika mechi zote na amesema ataanza na m...
Endelea kusoma